Van vroeg in menz en menseMan se verhouding, ly menzseMan aan stilstuipe en menz daaronder. Die lydingstydperk was aanvanklik twee weke (!) maar dit is stelselmatig verminder na 3 dae en die limiet deesdae is een dag.
Menz vat ‘n paar dinge in die lewe as persoonlik op. Vir menz is stilstuipe (teenoor menz) ‘n afjak, verstoting, uitsluiting, emosionele klap deur die gesig. Menz het geleer om dit beter te hanteer met die tyd – dis nie te sê menz hou daarvan nie, menz cope nou maar net daarmee.
Maar …
Verlede Vrydag tydens ‘n partytjie waar heelwat vloeibare verversings genuttig is, gesels die mense so rond en bont. Een vrou haak toe af en sê: “Stilstuipe? Asseblief tog, ja! Ek like van stilstuipe want dan kan ek doen wat EK wil. Ek kan lees of slaap nes ek lus kry. Sy stilstuipe faze my glad nie. Hy moet maar daaroor kom en beter word.”
Nou wonder menz: het menz dit nog altyd verkeerd benader? Was menz veronderstel om ook menz se eie time out te vat en menz glad nie te steur aan menzseMan se dinge nie? Om (alhoewel menz nie hou van ‘n growwigheidjie in die normale omgang van menz en menzseMan nie) menz se eie chill out te doen tot menzself weer lus voel vir menzseMan?
En sê nou albei partye is ewe hardkoppig en weier om eerste toenadering te soek? Sê nou maar die partye raak so gewoond aan eie dinge doen dat dit meer gemaklik voel so? Dat dinge so maklik laat gaan word dat dit maar dieselfde is as alleen wees?
Scary thought.
Poerdez
sonSkyn said:
Ek haar ook stilstuipe. Ek voel dis pointless, en dit moet uitgepraat word want jy leer om nie te kommunikeer nie.
LikeLike
vuurklip said:
.
LikeLike
Toortsie said:
Sjoe! Trek my maag nou op ‘n knop! Ja ek ken ook van 2 weke stilstuipe wat darem nou nie meer langer as 2 dae duur nie. Dis erger as moord. Maagwerktyd. Onuithoudbaar. Kry nie asem nie.
LikeLiked by 1 person
EkWasHier said:
Ek like ook my stilstuipe…nie dat ek baie het nie…maar daardie tyd wanneer ek met niemand hoef te praat nie.
LikeLiked by 1 person
poerdez said:
Ek reken dis meestal die rede vir stilstuipe … wanneer jy nie met iemand wil praat nie …
LikeLiked by 1 person
travel460 said:
“I do not want to go there”, so sleg is die hele oefening vir my. En al sê my kop dit is sy verdiende loon dat ek nou so kwaad is, op die ou einde maak dit my net fisies siek. So nee wat, ek druip stilstuipe. Of dit my of manlief se toedoen is, ek raak siek. Die natuur het sy eie manier gevind om my ‘humble’ te hou!
LikeLiked by 1 person
HesterLeyNel said:
My ma was baie goed met stilstuipe. Toe ek nog in haar huis gebly het, het ek stilletjies rondom die stuipe gesluip. In my huis moes sy maar afsien van die ding, want my man wou weet “Do you want so sulk alone or can I come and watch?” Dit werk in elk geval nie vir my nie, want ek gesels te graag.
LikeLiked by 1 person
perdebytjie said:
Stilstuipe is eintlik ‘n ander woord vir selfbejammering.Selfbejammering verswak ‘n mens.Ek het ook al stilstuipe gehad,maar vroeg-vroeg besef dis nutteloos.Kiss and make up bly tog die lekkerste!
LikeLiked by 1 person