Gister stap menz by die wellness plek in om die aansluiting by die pynpaleis te bespreek … en word summier so skeef aangekyk deur twee -2 grootte dames wat wag vir hulle masserings. Menz dink toe so stilweg dat die dames bly kan wees dat vet nie aansteeklik of oordraagbaar is nie, anders het menz net daar ‘n plan gemaak. Wat dus die hele besigheid net daar sal afhandel … 😀
Op menz se bespreking met die persoonlike afrigter (wat R200 per uur betaal sal word vir persoonlike aandag) dat menz nie ure aan cardio wil spandeer nie, maar dat menz spier en krag wil bou, is die antwoord: ” … ek het al gehoor dat mense dit so doen, maar om ‘n program te moet uitwerk sal ekstra kos. Hoekom sluit jy nie eerder aan by ons 12 week uitdaging nie?”
Gelukkig het menz die antwoord op daardie vraag eerder in stilte vir menzself geantwoord. “Vir R3500 kry menz net 12 weke se lidmaatskap (wat 12 gewone maande sou cover), 1 persoonlike oefensessie, 1 limfdreinering, 6 Skype Life Coaching sessies deur ‘n Professionele Life Coach (kots) en 6 Snap Shots wat jou beendigtheid en vet% uitbasuin.” – Vir R1800 kan menz 12 weke se lidmaatskap en 6 Snap Shot depressie-sessies betaal. Menz dink in elk geval dat om so gereeld aan menz se vet% herinner te word, baie sleg is vir die psige (menz het ‘n fokken spieël, ok).
Dus, fok die -2’ers wat menz so skeef aangluur, hulle sal een van die dae reg deur ‘n muur gebliksem kan word. Menz wou nog altyd soos Bud Spencer kon moer slaan …. dis ook die rede hoekom menz teen 5:30 gaan inklok van Maandag af, om die res van die samelewing die absolute horror te spaar om menz blasend en kruppel en rooigesig te beleef …
Fok ook dus die persoonlike afrigter, menz kan Google …. tot menz iemand raak loop wat sou belangstel om te help (teen ‘n geldjie natuurlik) …
Poerdez
vuurklip said:
Stap +/- 5km vyf dae per week teen sowat 10min/Km. Daar is geen beter oefening nie, dit laat elke spier werk teen presies die vlak waarvoor daardie spier ontwerp is.
Gratis. Geen coach benodig nie. Net ‘n paar goeie stapskoene soos Asics of New Balance.
Hierdie raat is gratis met komplimente van vuurklip.
LikeLiked by 1 person
poerdez said:
Baie dankie. Hier is nie veilige plek om te stap vir 5 km 5 uur in die oggend nie. Menz wil ook nie noodwending nou fiks of maer word nie, menz wil net eers die spiere herontdek wat menz het en bietjie krag bou.
Maar menz weet loop werk. MenzseMan het goed gedoen met stap.
LikeLiked by 1 person
rondomtaliedraai said:
Mmmmm menz is kwaai
LikeLiked by 1 person
HesterLeyNel said:
Is ‘n persoonlike afrigter nie bedoel om vir jou die beste program uit te werk wat jou persoonlik sal pas nie? Wat’s met die one size fits all uitdagingspaket?
LikeLiked by 1 person
poerdez said:
DIE PT glo in ure se cardio en DAN eers spiere. Menz glo in eers spiere en non-flab, en dan gewig en fiks.
LikeLiked by 1 person
HesterLeyNel said:
Ek het gesien daar is ‘n taamlike debat aan die gang oor die keuse tussen eers lactic acid system (spiere) of eers oxygen system (kardio).
LikeLiked by 1 person
poerdez said:
Menz glo dat menz eers menzseSpiere moet kry en oefen sodat hulle kan help om die vet te verbrand. Op hierdie stadium weet menz net dat menz spiere het, maar waar hulle is …. weet geen menz nie … 😀
LikeLiked by 1 person
HesterLeyNel said:
Alle sukses. Dis ‘n moelike paadjie, maar op die ou einde die moeite werd, glo my. Ek het begin oefen om gewig te verloor om my a-ritmiese hart onder beheer te kry (en terselfdertyd opgehou met rook). Nie maklik op my ouderdom nie, maar die moeite werd.
LikeLiked by 1 person
poerdez said:
Stadig nou …. een ding op ‘n slag …
LikeLiked by 1 person