Of dalk eerder: wat is menz?
“Nie alles wat waar is kan bewys word nie” – Dwaalster
Menz is iemand wat nog soms PC is, maar glad nie meer SC nie. Want menz het menz se filters verloor. Of weg gemoer, whichever came first. Menz praat gereeld met drywers* in die verkeer – al hoor hulle menz nie; gewoonlik gaan dit gepaard met gebaretaal of wilde handbewegings. (* nie bestuurders nie, drywers = want net drolle dryf (het menz gehoor)).
Menz is gewoonlik die een wat sê wat ander mense dink, maar nie wil sê nie. Menz staan ook gou op teen onreg en ongelykheid en wreedheid, dikwels luid en kras. Menz gee om vir menz se binnekring en diere (wat nie slange of spinnekoppe insluit nie). As menz kon, sou menz ‘n plaas gehad het met BAIE donkies en skape en honde en katte en bokke en ens.
Menz het ‘n menzseMan wat menz anker en vir wie menz (soms dodelik) lief is.
Menz skrik binnetoe. Die gil weergalm in die gange van menz se kop, maar buitetoe – na menz asem geskep het – gaan gewoonlik net ‘n fok. So ‘n flying fuck.
Menz sukkel met onnosel mense. O fok tog, dit voel deesdae of dit so aansteeklik is soos die Spaanse griep van 1918 wat amper 500 miljoen mense versaak het. Common sense is not so common as you’d think. DINK en die vermoë om te kan, is aan die uitsterf en menz treur daagliks daaroor.
Menz doen ook soms dom goed sonder om te dink, maar in menz se werk is alles logies en ordelik al doen ons 90% van die tyd krisisbestuur agv ander mense se kak gedagtes (poepe wat ingehou word, borrel op na jou brein toe en word ‘n kak gedagte). Die totale vermyding van deadlines en prosedures en verantwoordelikheid is vir menz ‘n gotswonder.
Menz glo in reinkarnasie en ‘n lewe na hierdie een (die dood is nie vir altyd nie) en ‘n lewe na die volgende een en ‘n lewe na daardie een. Hoekomdefok dit nodig is, het menz nog nie uitgevind nie. Menz glo nie in een boek nie, maak nie saak wat sy naam is nie. Menz is ‘n leerder of versamelaar van inligting. Menz was op ‘n stadium lank laaank gelede ‘n versamelaar van goetertjies, maar nou versamel menz boeke en inligting.
Menz het ALTYD moeite gedoen met persentjies en bystand aan menz se naastes. Gee, gee, gee. Gee omdat menz so voel en nie sosiaal vereis word om te gee nie. Menz het nie ‘n probleem as die ontvanger nie ‘n gewer is nie (takers and givers and such), maar as jy iets gee omdat jy voel jy MOET omdat menz altyd gee en jy krap in jou laai of kaste rond vir iets wat jy nie gaan mis nie om tog net iets te kan gee, dan het daai storie sy gat gesien. Koop tog net ‘n fokken Aero tjoklit as jy aan menz dink en iets wil gee en bedoel dit dan (menz hou baie van Aero’s en Bubbly tjoklits *wink*wink*nudge*nudge*).
Menz is dik en duidelik. Menz probeer elke dag daaraan werk, maar menz begin nooit ‘n poging in die middel van die week nie. Dus Maandag. Volgende Maandag, promise. As jy nie hou van hoe menz lyk nie, staan verder weg. Nog verder, nog verder, nog verder … tot daar waar jy voel menz lyk beter. Dis reg so, bly dan sommer daar. Menz was ‘n seningrige man in 1350 BC, so menz was al maar. Hierdie lewe is blykbaar nie bedoel om maer te wees voor nie. Btw, as jy dit nog nie agtergekom het nie: menz is ‘n emosionele eter. *sug*
Menz se kopdokter sê menz is sinies en vertrou nie ander mense nie. No shit, Sherlock? Hoeveel kry jy daagliks met die mensdom te doen en is menz se siening verkeerd? Dus probeer menz nie oogkontak maak met takers nie en probeer enige ongemaklike situasies ten beste vermy.
EN (want menz kan) nou is menz emosioneel uitgeput en gaan menz soek na ‘n soetigheidjie.
Poerdez
Hier is die Inlinkz-skakel vir die uitdaging wat vandag om 12:00 pm open: https://fresh.inlinkz.com/p/6061e1ded6fa403bb328f7fe5decfe6d
Bloggers wat nog nie voorheen deelgeneem het aan ons Lê-Jou-Eier bloguitdagings nie: Om raad te kry oor hoe om deel te neem en om elke week se aankondiging van die nuwe onderwerp te sien, besoek die volgende skakels Lê-Jou-Eier: Reëls en Lê-Jou-Eier: Hoe neem ek deel? Laasgenoemde blogpos bevat ook al die onderwerpe en skakels na vorige uitdagings.
scrapydo2.wordpress.com said:
Dis n bek vol hierdie!
LikeLiked by 1 person
poerdez said:
Daar is nog so baie om te sê, maar toe word menz moeg …
LikeLike
scrapydo2.wordpress.com said:
Glo jou goed. Sodra mens begin dink arriveer daar duisende ander dinge!
LikeLiked by 1 person
Vuurvliegie se lekkervurigeaffêre said:
Liewe Poerdez, dankie dat jy reguit en skerp menz en namens ons skigtiges die sê sê soos sê gesê moet word. Ek stuur virtuele mandjie vol soetigheid van jou keuse, ek vertrou dit is aanneemlik. 😉
LikeLiked by 1 person
Storieklong said:
Menz is te reguit vir Menz se eie beswil. Menz praat meestal in donker Afrikaans. Menz het ‘n harde stekelrige dop en Menz doen nie hofskoentjies en frilletjies rokkies nie. Ja, Menz is al hierdie dinge…
Maar Menz is ook die beste eggenoot en pêl wat enige iemand in sy of haar leeftyd sal raakloop. Menzeman het my sy duidelike stêrre diep in die botter geval
LikeLiked by 5 people
poerdez said:
Oh, you say the nicest things …. ♥
LikeLike
woestynkind said:
Dis nou goed verduidelik. Ek is ook al moeg om te se wat almal dink en niemand wil se. Dan is ek die ongewilde een oral. Nou probeer ek my mond hou. Maar die gesig se in elk geval als . Sug .
LikeLiked by 1 person
HesterLeyNel said:
Dis nou my probleem ook – ek kan oortuigend lieg in die donker, maar my gesig vertel altyd die waarheid.
LikeLiked by 1 person
HesterLeyNel said:
Mens weet duidelik wie en wat sy is en sy probeer nie anders voorgee nie. Daar’s nie baie mense wat dit kan regkry nie. Ek laaik wat ek hier lees, behalwe van die reïnkarnasie-ding – MFM, moet ek wragtag weer ‘n keer deur nog ‘n lewe sukkel? Ek kan nie eens ‘n handle op hierdie een kry nie.
LikeLiked by 2 people
poerdez said:
Dis hoekom menz ‘n ernstige gesprek met menz se beplanningskommittee gaan hê wanneer menz terug gaan – hulle kan nie sommer net allerhande besluite neem terwyl menz in die kosry staan nie…!!
LikeLiked by 1 person
HesterLeyNel said:
Net so!
LikeLike
Positief said:
Menz kan nog goed skryf ook en deur menz se eerlikheid, kry ons ander klomp b(l)oggers gereeld die kans om te lag. Welgedaan – Aero op pad
LikeLiked by 1 person
perdebytjie said:
Al wat ek weet, is dat ek Menz ontsettend interessant vind! Ek dink dit moet ‘n belewenis wees om jou in lewende lywe te ontmoet en te leer ken. Lyk my, “what you see is what you get” !
LikeLiked by 2 people
poerdez said:
You might be disappointed…. Mens is maar ‘n plain Jane met geen brieke nie.
LikeLiked by 1 person
perdebytjie said:
Dis daai briekloosheid wat jou interessant maak!
LikeLiked by 1 person
poerdez said:
Die stops is gewoonlik spectacular! 😂🤣
LikeLiked by 1 person
travel460 said:
Nie ń plain Jane nie. Net ń mens wat omgee met alles in haar daar wat sy veilig voel.
LikeLiked by 1 person
poerdez said:
En daar wen tannie Bali haaraelf ‘n blik kondensmelk!! 😜😋
LikeLike
travel460 said:
Ek sien nog nie jou kar hier buite op die parkeerterrein nie? Of hoe lank moet ek nou vir my prys wag…
LikeLike
poerdez said:
😂😅🤣 Hou jou in, mens, as jy weer sien staan menz op ‘n dag voor jou deur met ‘n surprise…
LikeLike
travel460 said:
Yes yes!💃
LikeLike
poerdez said:
En hoekom kan jy nie vir jouself een koop daar om die draai nie? Is dit dan sonde? 🙄😁
LikeLike
travel460 said:
Want sien, dan is dit aspris. As jy nou ń blikkie hier aanbring is dit mos goeie maniere om dit te verorber!
LikeLiked by 2 people
Tannie Frannie said:
Dis nou al ‘n rukkie wat ek wonder hoekom is jy so stil – kom toe vanoggend agter jou inskrywings land nie meer op my leser nie!! Dankietog vir InLinkz! Hallo daar, liewe Menz.
LikeLiked by 1 person
rondomtaliedraai said:
Fluister … wat is InLinks?
LikeLiked by 1 person
Tannie Frannie said:
Dis ‘n plek waar elkeen sy uitdaging oor ‘n bepaalde onderwerp gaan oplaai, sodat al die verskillende inskrywings bymekaar is. Hester, die slimme vrou, doen al die tegniese werk. As jy haar inskrywing oor ‘n nuwe uitdaging in Le-Jou-Eier lees, is daar n
‘n skakel soontoe.
LikeLiked by 1 person
rondomtaliedraai said:
Oooo ja ek is nie baie goed met afkortings nie
LikeLiked by 1 person
rondomtaliedraai said:
Moet darem se^ Menz en Plasie kikker al baie jare my lewe op.
LikeLiked by 1 person
ekmyselff said:
My mens Menz maar ek like jou eerlikheid, dalk n goeie ding of nie, dat ons ontmoet, daar sal net baie Aero s en bier (nie sonder A) of ten minste wyn of gin moet wees. Jy maak my lag, dankie! Ek sien Menz is gemaklik in Menz se vel.
LikeLiked by 1 person
poerdez said:
I am open to most things, some at least once … 😀
LikeLike