Lees menz nou die dag op FB oor Labels. Hoe dit wat jy is of het, jou label. Etikette pas nie so goed soos label nie, so verskoon maar die woord.
“Ons is maar mos almal actors on the stage of life…
Depressive disorder…Panic and Anxiety disorder… Personality disorder… Avoidance disorder… en tot ‘n sekere mate Obsessive Compulsive disorder… en Bipolar… ”
Label ons nie maar almal ander mense en ook onsself nie? So dat jy nie die mens sien nie, maar eerder die label aanspreek?
Fixer, bedonnerd, denker, grapgat, dronkie, vettie, graatjie, windgat, ryk, arm, vuil, emosioneel, onstabiel, reguit, kras, ens ….
Sien ons ooit werklik die mens agter die label? Soveel as wat hulle ons toelaat om te sien of ons hulle toelaat om te sien? Let jy ooit op hoe jou woorde en dade (somtyds onbedoel en ongesensor) kneusplekke op ‘n ander se siel los? Dink jy soms oor die mens agter die label of is die label genoeg betrokkendheid want jy kan nie nog ander mense se issues ook hanteer nie?
Alleen. Dit kom ook in die post voor. Bitter alleen. Dit kan menz/mens ook tussen mense voel. Bitter min mense kan alleen wees met hulself – die mens is nie geskape om alleen te wees nie. Maar soms is alleen beter as seer. Gee mens dalk partykeer soveel dat daar nie genoeg oorbly om self heel te wees nie?
Menz se label vandag: melankolies.
Die sal ook oorwaai. Dalk omdat ons so lanklaas reën gehad het. Dalk omdat dit vandag bewolk maar tog so droog is. Dalk meer hormonal as homicidal. Dalk sommer net.
“♪ Before I blame someone else, I’ve gotta save myself. ♪”
Poerdez
Poerdezmerdez 
ag dis ‘n mooi song, so melankolies. Sterkte Poerdez, dink baie van ons voel so, einde van ‘n lang lang jaar
LikeLiked by 1 person
Mag die reen gou kom en ons almal salf…
LikeLiked by 1 person
Let ons op hoe ons dade en woorde kneusplekke op ń ander se siel los… Hierdie sin vat aan my. Melankolies, dis ń woord wat ek ook baie goed verstaan. Mag die reën vinnig kom, Poerdez, en jou sommer sopnat laat.
LikeLiked by 1 person
Daai eensaamheid bly ‘n bliksem.
LikeLiked by 2 people
Jy het hierdie baie mooi geskryf!
LikeLiked by 1 person
Gee mens dalk partykeer soveel dat daar nie genoeg oorbly om self heel te wees nie? Daai ene is die waarheid. Mens gee, en gee, en gee en dit word nie terugbetaal nie. Dan op ‘n dag besef jy dat jy eintlik emosioneel bankkrot is, gelikwideer moet word….ek verstaan.
LikeLiked by 1 person
Dink Menz daar is regtig nog mens oor onder die labels, of is dit eintlik die somtotaal van ons bestaan. ‘n Leë reistas vol stickers.
LikeLiked by 2 people
Ons labels is dalk al wat ons is … ?
Is ons hier om soveel labels as moontlik te versamel voor ons expire?
LikeLike
😲 Perish the thought. Ek gaan nou heelnag wakker bly en wonder watter labels dra ek rond. Waarvan ek dalk nie eens weet nie?
LikeLiked by 1 person
Ek kan my lelik wip as ander mense my label. Veral verkeerd. Ek is al beskuldig van hard wees, depresief wees, stok in my g@t op he, ens. Nou se ek heel hardegat “I am not who you say I am. I am who God says I am” Dan is die slim label mense stom. Solank ons weet wie ons is onder die dop.
LikeLike