Antwoord aan Israel …

Met google translate lees dit so:

Good morning notorious lady,

It is thought that you would be a cunning South Siberian mountain savior, which would make you worse than a watery cross-worked Kalahari donkey mare.

Please slap a toe south and kick in the stranger. Norrefok we don’t fall for your stories.

Melktertgroete

😀

Poerdez

Advertisements

$13,609,000.00USD vir jou as jy kans sien …

From: Ms. Argeseanu Ileana <kathia.insfran@mag.gov.py>
Sent: 18 August 2019 05:53 PM
To: Recipients <kathia.insfran@mag.gov.py>
Subject: [SPAM] Project from Ms. Argeseanu Ileana

 

I am Ms. Argeseanu Ileana; I am the Chief Internal Auditor Banking Division with FIRST INTERNATIONAL BANK OF ISRAEL LTD (FIBI), Tel Aviv branch, Israel. I have a project of $13,609,000.00USD that I love to introduce and share with you. Kindly respond back to me and I will explain more to you.

Regards
Ms. Argeseanu Ileana
Chief Internal Auditor
Banking Division
FIBI BANK ISRAEL.my message.

 

Hierdie epos kom weekliks. Al is die adres geblok en gespam en na die go-to-hell-boksie gestuur.

Vandag stuur menz ‘n antwoord terug:

 

Goeie more berugte dame,

Mens vermoed dat jy ‘n sluwe Suid-Siberiese bergslet sou wees, wat jou erger as ‘n wetterse dwarsgewerkte Kalahari-donkiemerrie sou maak.

Klap asb ‘n toon suidwaarts en moer die vreemde in. Norrefok val ons vir jou storietjies nie.

Melktertgroete

Poerdez

PS: as een van julle dalk in die miljoene wil deel, kontak gerus die dame. Op eie risiko.

Hoeveel van ons dink aan hierdie dinge?

Menz weet dit nie gereeld dat mens by ‘n sterfbed staan nie, maar menz dink dis goed om hiervan bewus te wees.

So op ‘n morbiede Vrydag …

Poerdez

Hokaai, stop die lorrie!

Sou dit nie wonderlik gewees het as menz/mens voor elke fout began word, ‘n waarskuwing kon ontvang nie? Of ten minste ‘n kans om te besin voor jy voortgaan nie?

Hmmmm.

Poerdez

‘Skies tog, menz weet maar min …

… maar van wanneer af word ‘n grootte bo 10 as PLUS gesien?

Menz dog nog altyd dat 16 tot 18 ‘n gemiddelde grootte is? Nou moet jy ‘n 6 – 8 wees om gemiddeld gebou te wees? Really?

Hal uit julle broodborde en begin broodjies maak, daar is heelwat vroue wat gevoer moet word. Fok, hulle is honger!! En dis hoekom daar soveel kak in die land is.

So, as jy ‘n benerige anoreksiese geval sien, druk ‘n broodjie of ‘n koekie in haar mond en red haar lewe!

Poerdez

Uhm, nee rêrig?

Menz lyk soos ‘n guppy op droë grond soos menz se mond oop en toe gaan vir asem omdat 6 000 vloekwoorde terselfdertyd wil uit. En menz se vingers kry spasmas soos menz hulle probeer weg hou van die sleutelbord. Die kop knik so op die nek na die linkerskouer  se kant toe asof menz ‘n nervous tick het.

Forfucksakes! Really!?!?!?

Poerdez

PS: vlak graffie, ma se kind, vlak graffie …

Verby Meraai, verby …

Die meeste van ons het groot geword en iemand geken wat either by die spoorweg, Yskor, polisie, weermag, staat, poskantoor of mislikepailteit gewerk het. Wat banaal middelklas was, nou uiters desperaat laerklas.

Maar meestal goeie mense. Nee, nie maar nie. Net. Gewone mense. Al was daar tannies wat hulle verbeel het hulle hoort eintlik in Waterkloof te bly en nie in Daspoort nie. Ooms wat net soos die ooms in Waterkloof die katjies in die donker geknyp het, al het hulle nie die geld of die looks gehad om aandag te trek nie (of die geld en die looks wat hulle gedink het hulle het nie).

Daardie tyd was daar nie iets soos ‘n wit plakkerskamp nie. Die rêrige arm mense het in woonstelle in Sunnyside of Arcadia gebly. Of later in ‘n RDP huis in voorheen-gemiddelde woonbuurte. Almal in die onmiddelike omgewing het mekaar geken en gegroet. Soms by mekaar gebraai of gekuier (is braai en kuier eintlik dieselfde ding?). Almal het vrugtebome in hulle tuine gehad en gespog met hulle rose en ranonkels. Die huise was gereeld geverf en die gras altyd kort. Die grootste sonde was om ontydig swanger te raak en die kerke het almal gepreek oor die vagevuur en die duiwel wat jou sal ry as jy nie in jou spoor trap nie.

As menz alle ander dinge buite berekening laat (dit wat na 1994 van die land geword het, inflasie, belasting en misdade wat onaangemeld gebly het), verlang menz tog terug na daardie tyd.

Dit was ongekompliseerd. Almal het net ‘n lewe probeer maak. Dit was nie die war zone waarin ons vandag leef nie. Dit was ook voor die koms van die rekenaar en die internet, toe almal nog koerant gelees het en nuus gekyk het. Ons het minder geweet en miskien was dit beter so.

Menz dink: hoe minder jy weet, hoe minder worry jy. Hoe meer jy weet, hoe minder slaap jy.

*sug*

Poerdez

 

“Video killed the radio star …”

Ons kuier soms op Wilge (in die middel tussen Kusile en Kendal kragstasies) en Wilge lê in ‘n holte waar die sein so elke drie dae ‘n tydelike verskyning maak en die son net soms by uitkom.

Die kuiers daar gebeur op die stoep, om die kombuistafel en in die stikamer. En dis lippeklap van aankoms tot vertrek. Soms is dit dieselfde stories wat ons vorige kere gehoor het, soms kry die stories stertjies by en soms verander die karakters se name. Maar dis nog steeds lekker kuier en lekker lag.

Helaas, met die koms van Openview TV en die nuwe wêreld wat vir hulle oop gegaan het (wyer horisonne as SABC 1 – 3 en E-TV), staar almal na die verligte boksie in verwondering en vergeet skoon van gesels. Omdat ons die meeste van die reekse en flieks reeds gesien het (Openview is bietjie agter), is dit vir ons ou nuus.

Dis sad. Ons gun hulle die nuwe horisonne, maar ons mis die gesprekke. Ten minste kuier ons nog om die vuur en die tafel, ons het dit nie heeltemal verloor nie.

Video killed the radio star, TV killed the personal connection.

Poerdez

 

 

Bedelaars …

Menz het nou net ‘n laaaaang storie oor salarisverhogings of die gebrek daaraan uitgevee. Moontlike verhogings of die gebrek daaraan en die onregverdigheid wat daarmee saam gaan. Want menz het werk en menz is dankbaar – menz het fokken hard gewerk om hier te kom en dit te behou, menz het per geluk (of ongeluk) die besluite geneem om hier te beland maar menz is dankbaar. Dankie.

Wanneer het die Afrikaner dan ‘n bedelnasie geword?

Ja, ja, menz is maar al te bewus dat daar ongeveer drie maande tussen menz se huidige omstandighede en die parkie as huis is. Maar as daar nie (WEER) geld is vir koek nie, dan is daar nie geld vir koek nie. En al is jou kinders jou kinders, leer moet hulle leer. Koek of nie koek nie, daar is meer wat saak maak.

En jy sê nie vir ‘n honger mens om eers kerk toe te kom en dan sal jy vir hom kos gee nie. Really? Hy/sy moet met sy vuil lyf in verslete klere en honderpyne tussen die gedressde anties in die kerk kom sit en wag dat die diens kan klaar maak sodat hy/sy kan eet vir die 1ste keer in dae?

Foktog.

Menz gee OP.

Punt.

Poerdez

 

Dieremaniere …

Bwhaaaaaaaaahahaha!!!! 😀

Poerdez